Курти: Мора да се спроведат сите договори постигнати во дијалогот со Белград

Премиерот на Косово, Албин Курти, денеска изјави дека мора да се спроведат сите договори постигнати во дијалогот со Белград, а дека приоритет е проблемот со, како што наведе, „присилно исчезнатите лица“.

Курти пред новинарите изјави и дека до крајот на овој месец ќе се сретне со претседателот на Србија, Александар Вучиќ.

Премиерот на Приштина денеска повтори дека Охридскиот договор мора целосно да се имплементира, вклучително и точката десет, која предвидува имплементација на претходно постигнатите договори.