Речиси 20 воени бродови – околу 10 кинески и 10 тајвански – се спротивставени во близина на средната линија на Тајванскиот теснец, изјави денеска за Ројтерс неименуван извор запознаен со ситуацијата.
Денеска, како дел од тридневната воена вежба, Кина изврши симулирани напади врз странски војници во близина на југозападниот брег на Тајван, изјави изворот.
Кинеското Министерство за одбрана денеска соопшти дека кинеското воздухопловство вклучило дополнителни авиони во воените вежби во близина на Тајванскиот теснец.
Министерството за одбрана во Тајпеј соопшти дека Тајван ги следи активностите на ракетните сили на Кина и дека единиците за воздушна одбрана на Тајван одржуваат високо ниво на будност, пренесува Ројтерс.
Како што е наведено, во саботата 71 кинески авион и девет бродови ја преминале централната линија на Тајванскиот теснец.
Кинеската морнарица, исто така, започна тридневни воени вежби во Тајванскиот теснец, што Пекинг го нарекува предупредување до силите за независност во Тајван.
Пекинг планираше воени вежби северно, јужно и источно од Тајван, откако тајванскиот претседател Цаи Инг-вен се сретна со претседателот на Претставничкиот дом на САД, Кевин Мекарти во четвртокот во Калифорнија, што Кина остро го осуди, која тврди дека Тајван е нејзина територија.