Голем пожар избувнал во магацини за камиони во Хамбург, поради што итните служби издале здравствено предупредување за околните жители, јавуваат медиумите.
Пожарот избувнал утринава во 4 часот и 30 минути и местото сега е целосно зафатено во пламен. Се слушаат експлозии, а во извештаите се наведува дека на местото истекува водород сулфид.
Силен чад се издигнал на небото над огнот, а во околината има станбени блокови.
Официјалните лица ги информирале жителите да ги држат прозорците и вратите затворени и да избегнуваат да излегуваат надвор.
Противпожарната бригада на Хамбург соопштила дека населението може да бидат под влијание на димни гасови и хемиски компоненти при вдишување воздух поради пожарот.
Во тек е најголемата операција за гасење пожар во Хамбург во последните десет години. Се претпоставува дека во моментот на пожарот немало никој на местото на настанот, а засега нема информации за жртви.
https://twitter.com/hcarthyc_/status/1644914476997550081?ref_src=twsrc%5Etfw%7Ctwcamp%5Etweetembed%7Ctwterm%5E1644914476997550081%7Ctwgr%5E900b3486592ed1fd978ca452c850d83961430b7f%7Ctwcon%5Es1_&ref_url=https%3A%2F%2Frepublika.mk%2Fvesti%2Fsvet%2Fogromen-pozhar-vo-hamburg-oblak-poln-so-hemikalii-se-shiri-niz-gradot%2F