Протекувањето на доверливи американски документи за Украина ги искомплицира односите на Вашингтон со неговите сојузници, пишува „Њујорк Тајмс“, повикувајќи се на американски официјални претставници.
Според весникот, Вашингтон не верува никому, дури ни на своите сојузници, бидејќи последните тајни документи на Пентагон протекоа во јавноста покажуваат дека „не само што Американците имаат разузнавачки информации да навлезат во руските воени и безбедносни структури, но ги шпионираат и самите Украинци и Јужнокорејците“.
„Сега има сомнежи меѓу сојузничките земји за способноста на Вашингтон да ги чува своите тајни“, пишува весникот, додавајќи дека се чини дека САД ја шпионираат не само Украина, туку и важните сојузници како Израел и Јужна Кореја.
Според американски официјални лица, американското Федерално истражно биро (ФБИ) во петокот започнало истрага за изворот на протекувањето, пишува весникот.
Висок американски функционер изјавил за Њујорк Тајмс дека протекувањето е „големо нарушување на разузнавањето“.
Документите што се појавија во јавноста се чини дека се легитимни разузнавачки информации, но барем еден од документите е изменет од оригиналот, изјавија официјалните лица.
Претходно оваа недела, „Њујорк тајмс“ објави, повикувајќи се на официјални лица запознаени со ова прашање, дека е објавена нова серија доверливи документи за Украина, Кина и Блискиот Исток.