Сопственикот на компаниите „Тесла“ и „Твитер“, Елон Маск, одби да го избрише твитот на заменик-претседателот на Советот за безбедност на Русија, Димитриј Медведев, во кој тој во неколку точки навел „зошто никому не му треба Украина“.
Како што пренесе ТАСС, еден од корисниците на Твитер го привлекол вниманието на Маск на твитот кој Медведев го објави во саботата, на што американскиот милијардер одговори дека сите вести се „до одреден степен пропаганда“ и дека луѓето треба сами да одлучуваат.
WHY WILL UKRAINE DISAPPEAR? BECAUSE NOBODY NEEDS IT
1. Europe doesn’t need Ukraine. The forced support of the Nazi regime, by the American mentor’s order, has put Europeans into a financial and political inferno. All for the sake of bandera’s unterukraine, that even the snobby,…— Dmitry Medvedev (@MedvedevRussiaE) April 8, 2023
Маск изјави дека неговата платформа нема за цел да ги ограничи или промовира профилите на руските владини претставници.
Во април минатата година, Твитер објави дека профилите блиски до државните органи ќе бидат блокирани од таа мрежа, бидејќи тие наводно „го ограничуваат отворениот интернет“.