Рускиот претседател Владимир Путин го посети штабот на воената група Дњепар во правец на Херсон.
Путин пристигна со хеликоптер, а потоа со теренско возило отиде во седиштето. Таму го пречека командантот на воената група Дњепар, генерал-полковник Олег Макаревич.
Тој објави дека групата „ја презема одбраната во согласност со наредбите“.
„Ви посакувам добро здравје“, додаде Макаревич, по што Путин се ракуваше со него.
#Putin allegedly visited the headquarters of the #Dnepr group of troops in the #Kherson direction. pic.twitter.com/Kap2mTAgvv
— NEXTA (@nexta_tv) April 18, 2023
Отворајќи ја средбата во седиштето, Путин истакнал: „Не сакам да ве одвлечам од вашите директни должности поврзани со командата и контролата, затоа овде работиме кратко, но конкретно. Важно ми е да го слушнам вашето мислење за развојот на ситуацијата, да ве сослушам, да размениме информации“.
Претседателот побарал извештајот да започне со ситуацијата во Херсон, потоа во правец на Запорожје, а потоа му се обратил на командантот на Воено-десантните сили, генерал-полковник Михаил Јурјевиќ Теплински, пишува Тасс.
Путин им го честиташе и Велигден на војниците. Шефот на државата им подари копија од иконата, која, како што нагласи, му припаѓала на „еден од најуспешните министри за одбрана на Руската империја“.
Обраќајќи му се на Теплински, Путин нагласи дека може да ја понесе иконата со себе во војна.