Сончево и топло, попладне можни врнежи од дожд

Претпладне ќе биде сончево со мала до умерена облачност, известуваат од УХМР за денешната временска прогноза.

Од пладневните часови претежно во планинските региони ќе биде променливо облачно со локални врнежи од дожд, краткотрајно поројни и особено на југот понекаде со услови за ретки грмежи. Ќе дува слаб до умерен ветер од северен правец.

Наутро ќе биде од 0 до 8 Целзиусови степени, а во текот на денот ќе стигне од 11 до 22 Целзиусови степени.

Во Скопје сончево со мала до умерена облачност и со услови за појава на краткотраен дожд. Ќе дува слаб до умерен северозападен ветер.