Папата предупредува на ризиците од преминување од комунизам кон консумеризам

Папата Франциск денеска во своето обраќање на Католичкиот универзитет „Петар Пазмани“ предупреди за ризиците од „транзиција од комунизам во консумеризам“ на последниот јавен настан од неговата апостолска посета и ги повика секогаш да бидат понизни и да запомнат дека знаењето е вистина, а вистината е слобода.

Папата попладнево на средбата со претставниците на академскиот и културниот живот на Факултетот за информатички технологии и бионика на Универзитетот ја истакна важноста од самоспознавање, препознавање на сопствените ограничувања и потиснување на претпоставката за самодоволност, пренесува МТИ.

Тој рече дека првата од двете мисли со кои сакал да ја остави публиката е „Спознај се себеси“, цитирајќи позната максима од Храмот на Делфи.