Едно лице е уапсено во близина на Бакингемската палата, каде вечерва се слушнала контролирана експлозија.
Претходно, еден човек фрли муниција за пушка на територијата на палатата.
WATCH: Controlled explosion heard on live TV as police investigate suspicious bag at Buckingham Palace pic.twitter.com/YoX2pDKWrF
— BNO News (@BNONews) May 2, 2023
Палатата моментално е под блокада, а наводно е наредена евакуација.
Според медиумите, мажот кој е приведен имал со себе сомнителна чанта.
Инцидентот се случил околу 19 часот по локално време.
„Полицајците брзо приведоа маж околу 19 часот во вторникот на 2 мај, откако тој се приближи до портите на Бакингемската палата и фрли неколку предмети, за кои постои сомневање дека се муниција од сачмарка, во дворот“, соопшти полицијата.
Посочуваат дека сите предмети се пронајдени и ќе бидат однесени на вештачење.
„Уапсен е маж поради сомнение дека поседувал офанзивно оружје. Поставени се кордони откако е утврдено дека мажот има и сомнителна торба. Присутни се вештаците кои ќе го проценат предметот“, кусо соопштија од полицијата.
Тие потврдија и дека имало контролирана експлозија од безбедносни причини.
Инцидентот се случил само неколку дена пред крунисувањето на кралот Чарлс, кое ќе се одржи во сабота на 6 мај.