Германија: Уапсен осомничен во врска со експлозијата во станбена зграда

Германската полиција уапси осомничен во врска со експлозијата во станбена зграда во градот Ратинген во која беа повредени десетици луѓе, соопштија официјални лица.

Полицијата соопшти дека двајца полицајци и тројца пожарникари се здобиле со повреди опасни по живот, четворица пожарникари се тешко повредени, а 22 полицајци полесно, пренесува АП.

Од зградата е извадено тело на мртва жена, чиј идентитет и видови на смртоносни повреди се уште не се познати.