За мене е привилегија да ги удостојам со бугарски лични документи Љубчо Георгиевски и Благој Шаторов – двајца наши сонародници, чија патриотска активност и храброст ја потсетија цела Бугарија дека „железниот светилник“ на бугарскиот патриотизам никогаш не згасна во соседна Република Северна Македонија. Дека илјадагодишната бугарска култура и нашето историско наследство во Македонија се неизбришливи и ќе продолжат да ги будат умовите и срцата на Бугарите, изјави денеска претседателот на Бугарија, Румен Радев.
„Да се биде бугарски државјанин е одговорност и чест што бара и обврзува многу. Љубчо Георгиевски и Благој Шаторов денеска не само што стануваат државјани на Република Бугарија, туку и на Европската Унија. Верувам дека како европски граѓани ќе продолжат да ја бранат каузата за заштита на човековите права и принципите на демократијата врз кои е изградена модерна обединета Европа. Им посакувам да продолжат да бидат достојни граѓани на Република Северна Македонија и да служат како пример за општеството и институциите. Не само Република Бугарија, целиот наш регион ќе победи ако процесите на демократизација кај нашиот сосед станат неповратни и ако никој не прогонува, малтретира, суди и пука некого само затоа што е Бугарин. Бугарската држава стои зад своите граѓани и ќе ги штити нивните животи, достоинство и права со сите свои институции. Тоа е должност на секоја цивилизирана земја, должност е и на самата Република Северна Македонија, која тврди дека нејзиното членство во Европската Унија е вистинска цел.
Вклучувањето на Бугарите во Уставот на Република Северна Македонија на рамноправна основа со другите народи и практичната гаранција за нивната рамноправност е неопходно барање на ЕУ и задолжителен услов за почеток на преговорите за членство. Би сакал да им се заблагодарам на европските институции и лидерите на сите земји-членки за разбирањето и целосно прифаќањето на ставот што доследно го бранев во изминатите две години на Европските совети, на различни форуми и билатерални состаноци – дека човековите права се на јадро на критериумите за членство и нема алтернатива за нивното почитување.
Да работиме заедно во името на граѓаните на Република Бугарија и Република Северна Македонија, луѓето од двете страни на границата со убедување дека споделуваме не само заедничка вековна историја, туку и заедничка иднина. во обединета Европа“, порача бугарскиот претседател.