Косовскиот премиер Албин Курти изјави дека “демократијата не може да биде суспендирана или заложник” во неговото видео-обраќање на Фејсбук. Курти истакна дека Приштина работи на зајакнување на комуникацијата со меѓународната заедница и дека смирувањето на ситуацијата е заедничка цел.
Според премиерот, албанските градоначалници на општините на северот на Косово, иако изборите имале слаба излезност поради бојкотот на србите, сè уште се сметаат за легитимни претставници во општинските згради и служат на граѓаните. Курти истакна дека тие добиваат целосна поддршка од властите во Приштина.
Премиерот ги обвини екстремно десничарските групи, кои ги поврзува со Милан Радоичиќ и Звонко Веселиновиќ, како и со претседателот на Србија Александар Вучиќ, првиот човек на БИА Александар Вулин и министерот за надворешни работи Ивица Дачиќ. Тој изјави дека протестот, во кој полицијата и КФОР беа нападнати, не е насочен против општината, туку против власта.