Претпладне сончево со мала до умерена облачност, јавува УХМР со денешната временска прогноза. Попладне ќе биде нестабилно со локален пороен дожд, грмежи и засилен ветер, на места во форма на невреме со силен ветер и услови за изолирана појава на град.
Минималните температури ќе се движат во интервал од 8 до 16 Целзиусови степени, а максималните ќе достигнат од 19 до 28 степени.
Во Скопје претпладне сончево со умерена облачност, а попладне во делови од котлината ќе биде нестабилно со пороен дожд, грмежи, засилен ветер и услови за изолирана појава на град.
Температурата ќе стигне до 27 степени Целзиусови.
Во текот на оваа недела ќе биде слично – во претпладневните часови времето ќе биде сончево со мала до умерена облачност, а попладне на места нестабилно со локален пороен дожд, грмежи и засилен ветер. Поинтензивни процеси се очекуваат во петок и во деновите од викендот.