326
Белорусија и Кина се договорија да организираат заедничко производство на електрични возила во Белорусија, изјави министерот за економија Александар Червјаков по посетата на белоруската делегација на Пекинг.
Червјаков рече дека одреден број компании дале согласност за организирање на производство на електрични возила во Белорусија, соопшти прес-службата на белоруската влада, пренесе РИА Новости.
За време на посетата на Кина беа решени и прашањата за опремување на Националниот аеродром во Минск, постигнати се договори за набавка на 15 железнички локомотиви, како и четирикратно зголемување на бројот на дозволи за белоруски возила кои превезуваат стока во Кина, истакна Червјаков.