Затвореник пронајден мртов во „Идризово“

Министерството за внатрешни работи извести дека утрово бил пронајден мртов затвореник во затворот „Идризово“.

-На 06.06.2023 во 03.55 часот во СВР Скопје, од Казнено-поправната установа Затвор Идризово било пријавено дека во просторија во полуотвореното одделение бил пронајден починат затвореникот В.Л.(50) од Скопје, кој издржувал казна затвор од 11 години, информираат од полицијата.

Доктор од Итната медицинска помош констатирал смрт без видливи траги на насилство. По наредба на Јавен обвинител телото на починатиот било дадено на обдукција.