Романскиот премиер Николае Чука (56) поднесе оставка за да му ја предаде премиерската функција на коалициски партнер како дел од договорот за поделба на власта, чија цел е да се одржи стабилноста во земјата зафатена со политички судири, објави Блумберг.
Чука, пензиониран армиски генерал, поднесе оставка по речиси 19 месеци за да му ја предаде власта на лидерот на социјалдемократите Марсело Чолаку.
Двајцата се согласија да се заменат еден со друг во 2021 година, откако Романија смени седум премиери за помалку од 10 години.
Замената беше одложена неколку недели поради штрајкот на наставниците, а по неколку неуспешни обиди, Чука успеа да ги убеди синдикатите да се откажат од протестите, давајќи им повисоки плати и ветувајќи им дека ќе ги подобрат условите за работа.
„Ја започнуваме процедурата за ротација и планираме до крајот на оваа недела да имаме нова влада за да продолжиме да ги решаваме сите прашања во државата“, додаде Чука.
По консултациите со претседателот Клаус Јоханис, кој го номинира премиерот, Чолаку, доколку биде номиниран, има 10 дена да го претстави кабинетот и да добие одобрение од парламентот.
Јоханис претходно изјави дека нема да се противи на промена на власта, доколку има договор во коалицијата.