Украина за контраофанзивата: Седум населби ослободени од руската окупација

Украинската заменик министерка за одбрана Хана Маљар изјави дека украинските сили постигнале дополнителен напредок во контраофанзивата.

Досега, според неа, вкупно седум населени места се ослободени од руската окупација.

Маљар на Телеграм напиша дека се ослободени уште три населби – Лобково, Левадна и Новодаривка во југоисточниот регион Запорожје, пренесе „Ројтерс“.

Украина претходно објави дека нејзините сили го зазеле четвртото село Сторожево, а во неделата објави дека се ослободени три села – Благодатне, Нескучне и Макаривка, кои се наоѓаат на границата на регионите Доњецк и Запорожје.