Мечка беше забележана на 11 јуни како плива во Мексиканскиот залив пред да истрча на брегот во Дестин, крајбрежен град во регионот Панхендл на северозападна Флорида. На видео кое се прошири на социјалните мрежи се гледа како мече плива кон плажа полна со луѓе.
„Го гледавме неколку минути како доаѓа од далечина“, изјави за Си-Ен-Ен Крис Барон.
Повеќето луѓе не знаеја дека тоа е мечка. Локалната жителка Стефани Садлер била на чамец враќајќи се од нуркање кога и таа видела непозната фигура во водата.
„Не можевме да кажеме што е, па го свртевме бродот за да се приближиме и тогаш сфативме дека е мечка“, рече таа.
„Тука живеам цел живот и никогаш досега не сум видела такво нешто, претпоставувам дека и таа е на одмор“, се пошегува Стефани.
Засега не е јасно од каде е мечката и каде се наоѓа во моментов.
Video shows a black bear walking out of the ocean into a crowd of beachgoers in Destin, Florida. pic.twitter.com/Xx2xOUQHTr
— CNN (@CNN) June 12, 2023