Во делови на американската сојузна држава Невада, жителите имаат бројни проблеми поради милиони мормонски штурци, летечки инсекти кои можат да пораснат и до осум сантиметри. Во Елко, град во североисточна Невада, штурците се појавија во понеделникот, покривајќи патишта, вегетација, па дури и ѕидовите на локалните болници, објавија повеќе медиуми.
„За да ги превеземе пациентите во болница моравме да ангажираме луѓе со правосмукалки за лисја и метли, а во еден момент имавме и трактор со плуг за снег. Тој ни помогна да оттурнеме купишта штурци од патеката на болницата“, рече Стив Бароус, директор во регионалната болница во Североисточна Невада за локалната телевизија KSL.
🦗 Millions of Mormon crickets descended upon six counties in Nevada, creating a bug invested nightmare for many residents. pic.twitter.com/nSYKzfi3Sj
— AccuWeather (@accuweather) June 12, 2023
Многу жители не се задоволни со овие инсекти. Иако ова не е прв пат да се појават, никој не се сеќава дека ги имало толку многу. Многумина ги сметаат за одвратни – велат, изгледаат како пајаци, а се е полно со нивниот измет. Но, има и такви на кои не им пречи и ги сметаат за прилично слатки.
Овие инсекти се многу необични: јадат трева, грмушки и земјоделски култури, а ако се многу гладни, ќе јадат и членови од својот вид. Живи или мртви, не им е важно.
Mormon, crickets invading Elko , Nevada pic.twitter.com/wsH7pwBqtV
— CarolynTheEvangelist™️ ✟ (@ViscontiCarolyn) June 13, 2023
Освен поради гадливост, тие не им се допаѓаат на луѓето бидејќи нивната исхрана значи оштетување на земјоделските култури. Во 2001 и 2003 година изеле жито во Јута во вредност од 25 милиони долари. Дополнително, поради тоа што на патиштата има густи роеви од овие животни, се случуваат и сообраќајни несреќи.
Mormon crickets are really bad in Elko, NV right now. I borrowed this from a FB post, the picture was taken at the hospital. pic.twitter.com/oYtfAMyOvx
— Old Fashioned (@Old_fashioned59) June 10, 2023