310
Времето денеска ќе биде сончево и топло, при што попладне со мала до умерена локална облачност и услови за краткотраен пороен дожд и грмежи во планинските подрачја, известуваат од УХМР.
Ќе дува слаб до умерен ветер од северен правец, а UV индексот ќе биде 8.
Минималната температура ќе биде во интервал од 11 до 18, а максималната ќе достигне од 28 до 35 Целзиусови степени.
Во Скопје времето ќе биде сончево и топло со мала облачност и со слаб ветер од северен правец. Температурата ќе достигне до 34 степени.
За време на викендов ќе има промена на времето, наместа ќе биде нестабилно со пороен дожд, грмежи, засилен ветер и пад на температурата за неколку степени.