Се чини дека ниту руските власти, ниту водачот на бунтовничката група платеници, Вагнер Евгениј Пригожин, не се подготвени да отстапат во кризата која се заканува целосно да ја распарчи земјата. Но, што се крие зад тоа?
Пригожин постојано го обвинуваше рускиот министер за одбрана Сергеј Шојгу за неуспесите на вооружените сили на земјата и големите жртви на фронтот во Украина.
„Војната беше потребна… за да може Шојгу да стане маршал, за да ја прими втората херојска ѕвезда“, рече Пригожин.
Тој ги обвини и олигарсите за војната и го осуди „кланот кој денес владее со Русија“.
Се чини дека последната капка е тврдењето на Пригожин дека руската војска ја погодила базата Вагнер во Украина претходно оваа недела, што ресорното министерство го негираше.
Аналитичарите укажуваат и на долгогодишната лична омраза меѓу Пригожин и Шојгу, чии генерали гледаат на шефот на Вагнер како „аутсајдер опијанет од моќ“.
Но, досега, Пригожин – наречен „Путиновиот готвач“ поради претходните угостителски зделки во Кремљ – не го оспори директно владеењето на Путин.