Киев: Русија распореди повеќе од 180.000 нови војници во Украина

Русија распореди повеќе од 180.000 нови војници во Украина на двата главни источни фронта, тврди украинската војска.

„Повеќе од 180.000 припадници на руските трупи се распоредени во областа на одговорност на Источната група на сили, на фронтот Лиманск-Купјан. Овој фронт е подолг, поради што непријателот ги концентрира силите таму“, рече Серхиј Череватиј, портпарол на Источната група на украинските вооружени сили, пренесува Си-Ен-Ен.

Во интервју за украинските медиуми во понеделникот, Череватиј додаде дека „повеќе од 120.000 непријателски војници“ во моментов се на рутата Лиман-Купјанск.