Времето денеска ќе биде променливо облачно, а од пладневните часови на повеќе места ќе биде нестабилно со пороен дожд, грмежи и засилен ветер, известија од УХМР.
Локално процесите ќе бидат во форма на невреме со интензивен пороен дожд, грмежи, силен ветер и појава на град. УВ индексот ќе биде 7.
Минималната температура ќе се движи од 12 до 17, а максималната од 21 до 33 степени Целсиусови.
Во Скопје променливо облачно, попладне ќе биде нестабилно со пороен дожд, грмежи и засилен ветер. Во делови од котлината ќе има услови за краткотрајно невреме со интензивен пороен дожд, грмежи, силен ветер и појава на град.
Температурата ќе се искачи до 29 степен.
Слично време не очекува и во наредните денови.
НАВРНАТ ВОДЕН ТАЛОГ за изминатите 6 часа до 02 часот (во l/m2) 12 Скопје-Петровец, 8 Виница, 7 Пожаране, Маврови Анови, 6 Тетово, 4 Скопје-Зајчев Рид. Дадените вредности за количината врнежи се измерени на дождомерните места на УХМР. Поради локалноста на процесите, паднатата количина воден талог многу варира и на различни места може да е многу поголема од измерената.