Одбележувајќи ја својата 110-годишнина, Aston Martin со гордост го претстави Valour, означено како спектакуларно, ултра-ексклузивно специјално издание создадено за да ја прослави долгата традиција на брендот да ги воодушевува пуристите кои копнеат за висцерално искуство во возењето.
Valour е во голема мера инспириран од уникатниот Victor и е опремен со 5,2-литарски V12 twin-turbo мотор со 715 КС и 753 Nm вртежен момент, поврзан со шестстепен мануелен менувач.
Има и механички диференцијал со ограничено пролизгување, погон на задните тркала, систем за сопирање со карбон-керамички дискови 410 mm x 38 mm напред и 360 mm x 32 mm, 21-инчни тркала, гуми Michelin Pilot Sport S 5, лесен издувен систем, прилагодливи амортизери, подобрен менаџмент…
Динамичниот бриф за Valour, велат од компанијата, бил да се обезбеди „современ возачки автомобил“ со „вистинското срце и душа на безвременска аналогна класика“.
Со производство ограничено на само 110 автомобили, реткоста на Valour гарантира дека ќе биде меѓу најколекционерските од сите модели на Aston Martin.
Производството треба да започне во седиштето на Aston Martin во Гејдон во третиот квартал на 2023 година, а првите испораки се очекува да започнат во текот на четвртиот квартал на 2023 година.