Амбасадорот на ЕУ во Приштина, Томаш Суњог ја оцени како „разочарувачка сцена на насилство“ тепачката во косовското собрание и изјави дека разговорот и размената на идеи се основните темели на демократијата.
„Разочарувачки сцени на насилство видени денеска во Собранието. Тоа не е место за физички напади, туку место каде на демократски начин се разговара за предлози и политики. Дискурсот и размената на идеи се основните основи на демократијата“, напишал Суњог на својот Твитер профил.
Тепачката во собранието американскиот амбасадор во Приштина, Џефри Ховениер, претходно ја опиша како „несреќа за гледање“ и посочи дека „посакува да не мора да каже“ дека прибегнувањето кон насилство не е прифатливо средство за изразување несогласување.
Како што пренесуваат приштинските медиуми, пратениците од опозицијата цело време го навредувале Курти додека тој зборувал за ситуацијата на северот на Косово. Во еден момент, претставникот на Демократската партија на Косово, Мергим Љуштак му пришол на Курти и прво го полил со вода, а потоа го полил и Бисљими, по што овој му возвратил удирајќи го со шише со вода по главата.
Потоа дошло до физички конфликт меѓу министрите во владата во Приштина и членовите на опозицијата. Седницата беше прекината, а подоцна се случи уште еден инцидент, откако пратениците од опозицијата ја блокираа собраниската говорница.