Украинска армија тврди дека касетната муниција ќе се користи само за деокупација

Портпаролот на украинската оперативно-стратешка група Таврија под украинската армија, Валери Шершен најави дека американската касетна муниција ќе се користи „исклучиво за деокупација на Украина во борбата против руските позиции“.

Тој за Радио Слободна Европа изјавил дека касетните бомби нема да се користат во градови, густо населени области или на руска територија.

Според Шершен, новото оружје „значително ќе ја промени ситуацијата на фронтот“.

Касетната муниција уште повеќе ќе ја демотивира руската окупаторска армија и радикално ќе ја промени ситуацијата во корист на украинската армија, рече тој, пренесе „Киев Индипендент“.

И Вашингтон и Киев потврдија дека украинската армија добила касетна муниција, но сè уште не ја употребила во борба.