Видеото снимено од патник во Кина на кое се гледа што се случило за време на летот од Шангај до Пекинг минатиот понеделник шокираше многумина!
Како што се гледа на снимката од летот на Air China, патниците и екипажот буквално биле „исфрлени“ од своите седишта за време на турбуленциите кои настанале.
Passenger and flight attendant injured after Air China flight hit severe turbulence between Shanghai and Beijing. pic.twitter.com/AGiZ6mp4lt
— Breaking Aviation News & Videos (@aviationbrk) July 11, 2023
Според „Дејли Мејл“, по инцидентот се повредени најмалку еден патник и еден член на екипажот.
Опишувајќи што се случило, патник на летот рекол дека покривот на авионот напукнал и дека бил активиран знакот за излез.
„Првата половина од летот беше тивка. Одеднаш во последните 30 до 40 минути додека патниците доаѓаа и излегуваа од тоалетот дојде до пропаѓање“, навел еден од патниците на платформата Веибо.
Тој им честиташе на членовите на екипажот бидејќи, како што рече, „и покрај стравот, тие се жртвуваа за да ги заштитат патниците кои не носеа појаси. Потоа со професионализам и смиреност им помогнаа на сите кои беа повредени“.