Американскиот претседател Џо Бајден повторно се сопна додека се качуваше на претседателскиот авион Air Force One во четвртокот, иако авионот имаше помалку напорни, пократки скали. 80-годишниот претседател бил на половина пат до влегување во авионот во Хелсинки, Финска, кога погрешно зачекорил и за малку ќе паднал, пишува „Њујорк пост“.
Инцидентот се случил на меѓународниот аеродром Хелсинки-Вантаан, од каде тој полетал до аеродромот во Мериленд по посетата на претседателот на Финска, каде што бил по дводневниот самит на НАТО во Литванија.
President Joe Biden nearly trips and falls walking up the stairs to Air Force One again.
pic.twitter.com/HAJfSKBZPG— A.B.Jupital🫶🏽 (@ABJupital) July 14, 2023
Минатиот месец американскиот претседател се повреди во Колорадо кога се сопна со вреќа со песок за време на церемонијата на дипломирање.
Портпаролката на Белата куќа, Карин Жан-Пјер, им изјави на новинарите дека не знаела за донесените одлуки за тоа кои скали Бајден ќе ги користи кога ќе се качи на Air Force One. Претходните претседатели ги користеа пократките скали само во случај на лошо време.
Сопнувањето во четвртокот е четврти пат кога претседателот за малку ќе се повредеше качувајќи се на авион. Во февруари имаше проблеми со рамнотежата при враќањето од меѓународно патување во Полска и беше снимен како паѓа по скали.
Лекарот од Белата куќа, Кевин О’Конор, во извештај на пет страници рече дека Бајден има проблеми со одењето поради артритис на ‘рбетот, благ артритис на стапалата по фрактура и блага сензорна периферна невропатија на стапалата.