Американскиот производител на автомобили Tesla објави дека првата копија на електричниот пик-ап модел Cybertruck излезе од производната линија на новата гигафабрика во Тексас.
„Тоа е првиот Cybrertruck направен во Тексас“, објави компанијата на Titter и објави фотографија од возилото со работници.
Елон Маск, шефот на Tesla и Twitter, повторно ја објави фотографијата со честитка до фабричкиот тим.
Congrats Tesla Team! https://t.co/FPUgBqBpdY
— Elon Musk (@elonmusk) July 15, 2023
Во април компанијата го најави производството на тој пик-ап модел. Во ноември 2019 година, Tesla премиерно го прикажа футуристичкиот, срамнет со земја Cybertruck налик на школка со необични, остри линии.
Таа презентација стана сензација бидејќи еден од соработниците на Маск, сакајќи да ја пофали цврстината на кабината на овој модел, фрли чекан кон блиндираниот прозорец и – го скрши. Следувал втор обид кога го оштетил второто стакло.
За само два дена по претставувањето на идното возило, компанијата Tesla примила 150.000 нарачки со депозит од само 100 долари.
Во мај, Маск посочи дека целта на производство е 250.000 парчиња годишно, нагласувајќи дека оваа бројка може да се удвои бидејќи цената е прифатлива.
Cybertruck може да забрза од место до 100 километри на час за помалку од три секунди, тврди Tesla. Меѓу вкупно трите верзии достапни на пазарот, моделот кој надминува 400 километри со едно полнење се продава за 39.000 долари, а најскапиот модел со автономија до 800 километри ќе се продава за 69.000 долари.