Зеленски: Со блокирањето на договорот за жито, Русија врши притисок врз глобалниот пазар

Украинскиот претседател Володимир Зеленски изјави дека Русија ја блокира работата на Црноморската иницијатива за жито со цел да изврши притисок врз глобалниот земјоделски пазар.

„За Русија, ова е формат на дампинг на пазарот на жито и земјоделски производи со цел да ја блокира Украина и да биде единствениот голем извозник од овој регион. Апсолутно е јасно: тие користат притисок за да ги решат своите политички прашања и да заработат пари за нивните компании“, рече Зеленски во интервју со претставници на африканските медиуми.

Како што наведе, Русија врши притисок врз земјите од Африка, Азија и европскиот континент, како што тоа го направи со енергијата, нафтата и гасот.