Сончево и многу топло со слаб до умерен ветер претежно од јужен правец, информираат од УХМР. Кон крајот на денот и во вечерните часови во посеверните делови ќе има услови за краткотрајно поинтензивна изолирана појава на нестабилност со пороен дожд, грмежи и засилен ветер. УВ индексот ќе биде 10.
Минималната температура ќе биде во интервал од 16 до 23°C, а максималната од 35 до 42 °C.
Во Скопје сончево и многу топло со слаб ветер од променлив правец, во делови од регионот кон крајот на денот ќе има услови за краткотрајно поинтензивна нестабилност со пороен дожд и грмежи.
Температурата ќе достигне до 39 степени.
Се уште важат препораките за намалување на ризиците од високите температури во согласност со акцискиот план на Министерството за здравство за превенирање на последиците од топлотните бранови врз здравјето на населението.