На 15 јули во Хотел Дрим – Струга се одржа 3-тата трговска конференција на Флекс Кредит на која беше назначен нов генерален директор – Јоана Спасовска.
Јоана Спасовска е дел од Флекс Кредит уште од самите почетоци на компанијата, односно од отварањето на првата филијала во ГТЦ Скопје во 2020 година.
Таа ја градеше својата кариера во Флекс Кредит минувајќи ги сите скалила во компанијата, почнувајќи како менаџер за развој, преку трговски менаџер, директор на продажба, советник на Управен одбор за развивање на меѓународни пазари на Флекс Кредит па се до новата позиција – Генерален директор.
Јоана Спасовска е дел од новата генерација млади професионалци коишто своето знаење, работно искуство и професионални успеси ги има постигнато во Македонија. По образование е дипломиран економист на Надворешна трговија, при Економскиот факултет на УКИМ. Има работно искуство во банкарскиот сектор и во финансиски друштва пред да започне да работи во Флекс кредит.
Колегите ја знаат како вработен со ‘’работна книшка број 001’’, или како една од првите вработен во Флекс кредит. Од самото основање на компанијата Јоана има започнато со изградба на продажната структура која сега брои околу 150 вработени, или голем дел од вкупно 200-те вработени на друштвото. Низ годините има создадено тим кој успеа за рекордно кратко време да направи најуспешно финансиско друштво од Флекс Кредит, оставајќи ја конкуренцијата далеку зад себе.
Јоана Спасовска ја превзема функцијата од досегашниот Генерален дирекор и ко-сопственик на компанијата – Горан Арсов, кој со предавање на позицијата ќе биде фокусиран кон развивање на Флекс Кредит на останати меѓународни пазари.
Од Флекс кредит информираат дека ова е само мал дел од следните новини и освежувања кои ќе ги понудат на пазарот. Следат многу мотивациски програми за потрошувачите како и специјализирани кредити за различни категории на граѓани со повластени услови.
Сите овие новини, уверуваат од друштвото дека ќе допринесат за уште поголемо зацврстување на пазарот и за потврдување на лидерската позиција.