Зеленски: Меѓународните експерти подготвуваат тешки одлуки за Украина

Украинскиот претседател Володимир Зеленски денеска изјави дека меѓународните експерти подготвуваат прилично тешки одлуки за државата и армијата.

„Меѓународните експерти подготвуваат доста тешки одлуки за Украина, за нашите војници. Сега даваме се од себе, тоа не го правиме јавно – за резултатите на нашите војници, кои сите ќе ги видат, да станат најдобри“, рече претседателот на Украина.

Тој во видео обраќање потсети дека денеска е одржана важна меѓународна средба со премиерот на Катар, шеикот Мохамед бин Абдулрахман Ал Тани, пренесува Укринформ.