Според податоците на JATO Dynamics на 28 европски пазари, во првата половина на 2023 година се забележани најмногу регистрации (6,56 милиони) од пандемијата Ковид-19. Тоа е зголемување за 976.000 единици во споредба со првата половина од 2022 година.
Иако бројот на регистрации во Европската унија полека повторно се зголемува, тешкотиите со синџирот на снабдување, како и другите фактори по пандемијата, значат дека пазарот нема да се врати во истата состојба во која беше пред 2020 година, барем за некое време. Главната пречка за постигнување поголеми количини е достапноста на електричните возила и нивниот повисок опсег на цени.
Tesla беше најпродаваниот бренд на пазарот кога станува збор за електричните возила. Само во јуни, Tesla ја удвои продажбата со 48.200 испораки, двојно повеќе отколку во истиот месец во 2022 година. Tesla Model Y придонесе за континуирана популарност на марката, станувајќи најпродаваниот патнички автомобил во Европа во јуни и во првата половина од 2023 година севкупно, пред Sanderо, T-Roc, Cliо, Golf итн.
Пазарниот удел на Tesla порасна за 1,3 отсто помеѓу првата половина на 2022 година и првата половина на 2023 година, зголемувајќи се од 1,53% на 2,82% – најголем пораст меѓу 116-те брендови што ги следи JATO во Европа. Успехот на Tesla рапидно растеше во последните неколку години, имајќи предвид дека нејзиниот пазарен удел во колачот во првата половина на 2019 година беше само 0,54 проценти.
Во последно време MG го тресе европскиот пазар на автомобили. Некогаш британски бренд, а денес под покривот на една од најголемите кинески корпорации – SAIC, MG ги надмина другите брендови како Mini, Cupra и Jeep со 104.300 регистрации во првата половина на 2023 година. Делумно благодарение на успехот на MG 4, MG порасна за дури 128% во првите шест месеци, со што MG стана втор најголем пораст на пазарниот удел.
MG ја користи конкурентноста на кинескиот пазар во своја полза. Нивните атрактивни, модерни и достапни електрични автомобили и на западниот и на источниот пазар се добар пример за тоа како кинеските производители можат да привлечат поголемо внимание и да ја променат перцепцијата за нивните производи.
Volkswagen и понатаму е бренд број 1 на европскиот пазар пред Toyota и Audi, а Renault, Škoda, Nissan, Volvo и Seat се вратија на листата со позитивен „удел“ и значително поголем пазарен удел. Интересно е што новата марка на пазарот – шпанската Cupra со 93.177 регистрации и трет најголем раст на пазарниот удел од 46% ги остави зад себе реномираните брендови како Mazda, Mini, Suzuki и Jeep.
Top 25 модели – 2023. (vs. 2022.)
Volkswagen – 694.176 (+23%)
Toyota – 417.220 (+11%)
Audi – 374.475 (+26%)
Peugeot – 356.135 (+7)
Mercedes – 353.822 (+13%)
BMW – 352.931 (+10%)
Renault – 349.770 (+19%)
Škoda – 339. 382 (+31%)
Ford – 293.020 (+7%)
Dacia – 291.940 (+30%)
KIA – 287.775 (+3%)
Hyundai – 268.033 (+3%)
Opel/Vauxhall – 240.917 (+6%)
Fiat – 196.901 (-3%)
Citroen – 195.670 (-1%)
Tesla – 185.238 (+117%)
Nissan – 147.822 (+27%)
Volvo – 143.843 (+21%)
Seat – 133.126 (+10%)
MG – 104.294 (+128%)
Cupra – 93.177 (+46%)
Mazda – 92.733 (+43%)
Mini – 91.660 (+10%)
Suzuki – 90.469 (+38%)
Jeep – 63.928 (+11%)
Top 10 модели – 2023. (vs. 2022.)
Tesla Model Y – 136.564 (+204%)
Dacia Sandero – 123.408 (+27%)
VW T-Roc – 111.692 (+29%)
Peugeot 208 – 105.699 (-4%)
Opel Corsa – 105.637 (+19%)
Renault Clio – 100.298 (+44%)
Toyota Yaris Cross – 96.214 (+48%)
Fiat 500 – 90.464 (+6%)
VW Golf – 88.574 (-1%)
Dacia Duster – 86.872 (+18%)
Top 10 EV модели – 2023. (vs. 2022.)
Tesla Model Y – 136.564 (+204%)
Tesla Model 3 – 42.588 (+6%)
VW ID.4. – 41.672 (+84%)
VW ID.3 – 35.233 (+104%)
Fiat 500 EV – 31.340 (-3%)
MG4 – 30.779 (Novi model)
Dacia Spring – 26.748 (+36%)
Volvo XC40 – 26.445 (+202%)
Peugeot 208 EV – 26.013 (+13%)
Škoda Enyaq – 25.698 (17%)