147
Времето денеска ќе биде умерено облачно и посвежо, a попладне облачноста ќе се намалува, информираат од УХМР.
Ќе дува умерен, а долж Повардарието засилен ветер од северен правец. УВ индексот ќе биде 8.
Утринските температури се движат од 7 степени во повисоките места во западните краеви, до 19 степени на крајниот југ. Максималните дневни, пак, соодветно ќе бидат во интервалот меѓу 19 и 30 Целзиусови степени.
Во Скопје умерено облачно со засилен северен ветер.
Максималната температура ќе се искачи до 26-тиот степен.
Во следните денови ќе се задржи посвежо време со ниски утрински температури. Во четврток на места ќе биде нестабилно со пороен дожд и грмежи. За време на викендот се очекува пораст на температурата.