Безос и свршеницата Лорен Санчез донираат 100 милиони долари за помош на Хаваи

Американскиот милијардер Џеф Безос и неговата свршеница Лорен Санчез ветија дека ќе донираат 100 милиони долари на хавајскиот остров Мауи, погоден од силни пожари.

„Нашите мисли се со сите семејства кои изгубија толку многу и со заедницата која е оставена уништена“, рекоа Безос (59) и Санчез (53) во заедничката изјава на Инстаграм.

Извршниот директор на Амазон објави дека тој и Санчез основале фонд за Мауи за да му помогнат на островот „да се врати на нозе во текот на следните години“, пишува Page Six.