Денеска била потпишана суспензијата на полицајката Џенана Селимовиќ која се поврзувала со повеќекратниот убиец од БиХ, Нермин Сулејмановиќ. Според директорот на тамошната полициска управа од Тузла, Селимовиќ е суспендирана поради дружбата со Сулејмановиќ.
Како што пишуваат регионалните медиуми, полицајката по годишниот одмор се вратила во Градачац, а потоа веднаш земала боледување.
Службеничката Џенана Селимовиќ се врати од одмор. Таа побарала лекарска помош и зела боледување. Сите информации со кои располагаме фрлаат сомнеж за нејзиното дружење со криминално активни лица, при што таа го прекршила кодексот и направила службена повреда на дисциплинската должност. Сепак тоа не е поврзано со овој последен настан, рече директорот на полициската управа, Џевад Корман.
Адвокатот на Џенана, Бакир Хеќимовиќ, претходно за медиумите изјавил дека Џенана наводно немала контакт со Нермин Сулејмановиќ.