Идентификувано телото на Пригожин меѓу загинатите во авионската несреќа во руската област Твер

Телото на сопственикот на приватната армија „Вагнер“, Евгениј Пригожин, е идентификувано меѓу загинатите во авионската несреќа во руската област Твер, јавија денеска руските медиуми.

Истражниот комитет на Руската Федерација соопшти дека е утврден идентитетот на сите 10 лица кои загинаа во авионската несреќа на 23 август и дека нивниот идентитет одговара на списокот наведен во списокот на патници, пренесува РИА Новости.

„Како дел од истрагата за авионската несреќа во регионот Твер, завршени се молекуларните генетски тестови. Врз основа на нивните резултати, утврден е идентитетот на сите десет загинати лица, кои одговараат на наведениот список на патници“, се наведува во соопштението.