Бројот на загинати во земјотресот во Мароко се искачи на речиси 2.500

Привремениот биланс на загинати од минатонеделниот земјотрес во регионот југозападно од туристичкиот град Маракеш во Мароко се зголеми на 2.497, соопшти денеска Министерството за внатрешни работи, пренесе АФП.

Претходниот биланс даден синоќа беше 2.122 загинати.

Во соопштението, Министерството објави нов биланс од 2.497 загинати и 2.476 повредени.

Силен земјотрес со јачина од 6,8 степени се случи во петокот вечерта.