Електричен автомобил развиен од студенти на Техничкиот универзитет во Минхен (TUM) го собори светскиот рекорд патувајќи 2.573 километри со само едно полнење на батеријата.
Новиот светски рекорд е за речиси 1.000 километри подолг од претходниот.
Електричен автомобил наречен „Muc022“ 99 часа кружел околу празен хангар на аеродромот во Минхен за да го собори светскиот рекорд. Претходниот светски рекорд од 1.608,54 километри беше соборен по четири дена.
Батеријата од 15,5 kWh конечно се потроши по точно 2.573,79 километри.
„Во тој процес учениците првенствено се потпираа на добро осмислена аеродинамика и лесна конструкција“, се наведува во соопштението за медиумите, а возилото трошело само 0,6 kWh на 100 километри.
Во 2016 година, тимот од Минхен веќе постави светски рекорд за најефикасен електричен автомобил. При просечна брзина од 25 km/h нивното возило трошело 0,81 kWh на 100 километри.
„Безброј часови работа беа потребни за да се подготви за рекордот. Тоа уште повеќе не радува што сега го држиме светскиот рекорд.
„Muc022“ веќе беше успешен на неколку натпревари, а сега ова е крунско достигнување. Сакаме да им се заблагодариме на сите што не поддржаа“, изјавија од тимот на „ТуФаст Еко“.
Како што објави Electrive, електричниот автомобил наречен Muc023 од студентската иницијатива наречена „ТуФаст Еко“ беше претставен во мај оваа година и тежи само 65 килограми.
Сепак, за да го постави светскиот рекорд, тимот користеше постар модел, Muc022, тежок 75 килограми, но додаде поголема батерија која ја донесе вкупната тежина, без возачот, на 170 килограми.