Времето денеска во земјава ќе биде променливо облачно со сончеви периоди и со слаб до умерен ветер претежно од северозападен правец, информираат од УХМР.
Се забележува дека од пладневните часови наместа ќе има појава на пороен дожд со грмежи. УВ индексот ќе биде 6.
Минималната температура ќе биде во интервал од 9 до 17, а максималната ќе достигне од 27 до 33 степени.
Во Скопје променливо облачно со сончеви периоди и со слаб ветер од северозападен правец. Попладне во делови од котлината ќе има услови за краткотраен пороен дожд и грмежи.
Минималната температура ќе се спушти до 13, а максималната ќе достигне до 30 степени.
За време на викендот времето ќе биде променливо облачно со сончеви периоди. Наместа ќе има појава на пороен дожд со грмежи, особено во сабота. Потоа во почетокот на следната седмица ќе настапи преодно стабилизирање со благ пораст на дневната температура.