По обвинувањата за силување и сексуално вознемирување, актерот и комичар Расел Бренд доби поддршка од Илон Маск и Ендрју Тејт.
Имено, Расел Бренд, по обвинувањата за силување, вчера на својот Твитер профил сподели видео во кое објаснува дека бил цел на координиран напад поради неговите десничарски ставови и критики кон медиумите.
По тој повод, Илон Маск ја сподели својата објава, пишувајќи: „Се разбира. Тие не сакаат конкуренција“.
Of course. They don’t like competition.
— Elon Musk (@elonmusk) September 15, 2023
По Маск, на Твитер се огласи и Ендрју Тејт, кој споделил слика од витез со натпис „На пат да се борам со обвинувањата на лудите кучки“, при што испратил порака до актерот „добредојде во клубот“. Самиот Тејт моментално го чека судењето за силување и трговија со луѓе.
Welcome to the club @rustyrockets pic.twitter.com/NS1n8nVSXV
— Andrew Tate (@Cobratate) September 16, 2023
Потсетуваме, Расел Бренд е обвинет за силување и сексуална злоупотреба од страна на четири жени. Тој ги отфрли обвинувањата, велејќи дека сите негови врски и односи биле обострани и дека потегот е дел од координиран напад поради неговите ставови.
Според „Тајмс“, една жена тврдела дека била силувана, додека другите три го обвиниле актерот за сексуален напад. Една од жените исто така обелоделила дека физички и емоционално ја малтретирал кога таа имала 16, а тој 31 година.