175
Времето денеска претпладне ќе биде сончево со умерена облачност, информира УХМР. Попладне и во текот на ноќта на места ќе има развој на нестабилна облачност со пороен дожд и грмежи, локално во форма на невреме.
Минималната температура ќе биде во интервал од 9 до 17, а максималната ќе достигне од 26 до 31 степен.
Во Скопје се очекува да биде сончево со мала до умерена облачност, а кон крајот на денот облачноста ќе се зголеми. Во текот на ноќта во делови од котлината ќе има услови за краткотраен пороен дожд.
Максималната температура ќе достигне 30 степени.
И во текот на целата седмица ќе се задржи топло време, а во попладневните часови ќе има изолирана појава на краткотраен дожд и грмежи.