Американската старлета Ким Кардашијан (42), која има долга историја на излегување со мажи, е видена во друштво на 30-годишниот американски фудбалер Одел Бекам Џуниор.
Некои тврдат дека парот е во врска, додека други велат дека Одел и неговата долгогодишна девојка Лорен Вуд раскинале.
Ким има четири деца со нејзиниот поранешен сопруг Канје Вест, а подоцна се забавуваше со некои фудбалери како Реџи Буш, со кој беше од 2007 до 2010 година и играчот на Далас Каубојс, Мајлс Остин (во 2010 година).
Нејзиниот претставник изјави дека „не се забавува со никого сериозно“.
Ким и Одел го добија прекарот „Кодел“ од нивните следбеници на Редит, а многу фанови ја коментираа потенцијалната врска.
„Токму на време за новата сезона, станува толку предвидливо“, беше еден од коментарите.
„Мислам дека ова може да биде забавна врска за неа. Се надевам дека Канје ќе ја остави на мира ако излезат во јавноста“, гласи друг коментар.
„Би помислиле дека до сега ќе смислат нови тактики за да привлечат внимание за шоуто. Истите стари лажни врски одново и одново“, додаде трет коментатор.