Прерано е да се зборува за условите за склучување мировен договор меѓу Азербејџан и Ерменија, но сите предуслови за потпишување таков договор постојат, изјави портпаролот на Кремљ, Дмитриј Песков.
„Не, ретко кој сега ќе се обврзе да даде рокови, но имајќи предвид дека главното прашање за сопственоста на Нагорно-Карабах како такво е веќе решено, а тоа е надминато и уредено со одлуката на Ерменија да ја признае сопственоста на Нагорно. -Карабах ( на Азербејџан), тогаш можеме да кажеме дека е постигнат значителен напредок, изјави портпаролот на Кремљ, цитиран од Тасс.
Според Песков, „секако остануваат многу технички моменти пред да се финализира работата на овој договор.Но, сите предуслови за ова се присутни и со добра волја ќе може да се стигне до целта“, посочи тој.
-Веруваме дека во секој случај тоа ќе биде во интерес на народите на Азербејџан и Ерменија и на Ерменците кои живеат и ќе живеат во Нагорно Карабах, нагласи портпаролот на Кремљ.
Песков посебно посвети вниманието на фактот дека станува збор за мировен договор меѓу Ерменија и Азербејџан, „така што Русија не може директно да биде вклучена“.
-Но, основата за влегување во овој разговор ја создадоа трипартитните документи од 2021-2022 година. Се разбира, тука има одредена улога на Русија, како што треба, бидејќи на еден или друг начин Русија делува како гарант, објасни портпаролот на Кремљ.
Руските мировници прават напори да им помогнат на жителите на Нагорно-Карабах да ги напуштат опасните области, а Москва смета на траен прекин на огнот во регионот и создавање услови за раселените лица да се вратат во нивните места на живеење, додаде Песков.