Се вратија во земјава деветте велешани кои беа затекнати во Израел

Деветмината туристи од Велес кои се затекнаа во Тел Авив за време на нападите од Хамас врз Израел безбедно се вратени во Македонија, информираа од МНР. Тие беа прифатени на специјалниот лет на Владата на Албанија до Тирана, по што во организација на македонското Министерство за надворешни работи со организиран транспорт се префрлени во земјава.

Од Министерството додаваат дека во наредните денови ќе има повеќе специјални летови за Тел Авив, во координација со министерствата на земјите од регионот да им помогнат на сите граѓани кои сакаат да се вратат во своите земји.

Во Израел, според сознанијата на МНР има меѓу 100 и 200 македонски државјани. Дел од нив веќе побарале помош за евакуација.