Шефот на најголемата банка во светот: „Пристигна најопасното време што светот го видел во последните децении“

Зборувајќи за заработката остварена во третиот квартал од оваа година, извршниот директор на меѓународната финансиска корпорација JP Morgan Chase, Џејми Дајмон, го започна својот говор со строго предупредување до инвеститорите, велејќи дека можеби пристигнало најопасното време што светот го видел во последните децении.

Според него, војните во Украина, Израел и Газа „може да имаат големо влијание врз пазарите на енергија и храна, глобалната трговија и геополитичките односи“, според Си-Ен-Ен.

Сепак, според Дајмон, кога станува збор за резултатите што ги постигна корпорацијата JP Morgan Chase, најголемата банка во светот, тие ги надминаа очекувањата на аналитичарите во последниот квартал.