Премиерката на Србија, Ана Брнабиќ вечерва изјави дека Белград е подготвен за дијалог, но дека Приштина очигледно по секоја цена сака да избегне продолжување на дијалогот и оцени дека Приштина ќе се обиде да го одложи распишувањето избори на северот на Косово и Метохија што е можно повеќе.
Таа за Танјуг, во пресрет на седницата на Советот за безбедност на ОН во Њујорк, изјави дека Заедницата на српските општини мора да се формира во согласност со Бриселскиот договор, но дека не верува дека Приштина ќе се согласи со тоа и дека Белград ќе мора политички да ја води таа борба.
На изјавата дека ОН преку извештајот на генералниот секретар Антонио Гутереш бараат избори на северот на Косово и Метохија и прашањето дали УНМИК или ЕУЛЕКС сега можат да бидат неопходна алка за распишување избори, односно дали очекува притисок од Запад да се одржат избори што е можно поскоро, Брнабиќ истакна дека Српска листа како претставник на српскиот народ на Косово и Метохија побарала распишување избори.