Поранешниот украински пратеник Олег Царeв, проруска личност, кој наводно бил кандидат на Москва да ја води владата во Киев по руската инвазија, е на интензивна нега откако бил застрелан, изјави во петокот руски официјален претставник.
Владимир Рогов не кажал каде се случило пукањето. „Олег е застрелан“, напиша Рогов на Телеграм и ги повика православните верници да се молат за неговиот живот.
„Состојбата на Олег е многу сериозна. Моментално е на интензивна нега“, додал функционерот кој е назначен од Русија на окупираниот југ на Украина, пишува „Дневник.хр“.
Извори за Ројтерс минатиот месец соопштија дека Русија планира Царeв да ја води „марионетската влада“ во Киев по инвазијата на 24 февруари 2022 година. Самиот Царeв ја отфрли можноста по извештајот на Фајненшл тајмс во пресрет на инвазијата.
Тој за медиумите изјави дека оваа идеја е многу смешна бидејќи води само велнес бизнис на Крим и дека не е доволно важна личност.
Царeв претходно беше пратеник во украинскиот парламент, потоа претседател на парламентот на Новорусија, ентитет формиран откако проруските сепаратисти на истокот на Украина прогласија отцепување во 2014 година и почнаа да се борат против украинските сили.
Oleg Tsarev is in intensive care – Vladimir Rogov
It is reported that the politician's condition is very serious.
Oleg Tsarev was shot . pic.twitter.com/TWs1Q6FBCG— Dagny Taggart (@DagnyTaggart963) October 27, 2023