Паркирање… Колку пати сме виделе возачи кои ги паркирале своите автомобили или комбиња надвор од паркинг просторите, блокирајќи им го пристапот на другите. Ова е извор на фрустрација, особено кога барате место за паркирање во центарот на градот или во близина на трговски центар .
Во Кина непрописното паркирање има статус на сериозен прекршок, па властите почнаа да ги казнуваат возачите со помош на специјален уред.
На TikTok се појави видео на кое се гледа прикачување на специјален вакуумски капак на неправилно паркирани возила, кој дополнително се прицврстува на ретровизорот.
Уредот вклучува стоперка и GPS, а жителите можат да го отстранат само откако ќе платат казна за паркирање. Казната се зголемува во зависност од измереното време.
Освен што наплаќаат казни, властите очигледно сакаат да ги посрамотат и возачите. Големата „плочка“ на вратата е јасен знак дека не паркирате според правилата.